Болзох, үерхэх, хүнтэй харилцаа үүсгэхээс айх айдсыг “сармассофоби” гэдэг. Энэ нь хүнтэй харилцаа үүсгэхийг төвөгшөөх, болзоо ойртох тусам түгших, болзож байх үед хурдан салахыг хүсэх улмаар ганц бие байх нь илүү аз жаргалтай, тайван байх зэрэг шинж тэмдгээр илэрдэг аж.
Мэдээж энэ төрлийн айдас нь өмнөх харилцаанаас авсан шарх, ойр дотны хүмүүсийн хосын харилцаа таагүй байх зэргээс шалтгаалан өсч томрох үедээ дотно харилцаанаас айхад хүргэдэг байна.
Болзох айдсаа даван туулах хамгийн сайн арга бол яагаад айж байгаагаа ойлгох явдал юм.Тухайн асуудлыг шийдэхийн тулд сэтгэцийн эмчийн зөвлөсний дагуу тохирсон эмчилгээ хийлгэх нь зүйтэй. Хэдийгээр яагаад ийм айдастай болсон шалтгаанаа олоод, эмчилгээ хийлгэлээ гээд бүх зүйл зүгээр болохгүй байж болох ч ямар нэг зүйлд цаг хугацаа хэрэгтэй гэдгийг ойлгон айдсаа удаанаар, эрүүлээр даван туулаарай.