Манай humanz.mn сайт нь унших дадлыг дэмжих, олон нийтийн мэдлэгт нэмэр болох, уншиж бичих чадварыг хөгжүүлэх зорилгоор алдартай зохиолчдын бичсэн номын онцлох агуулгуудыг хүргэдэг билээ. Энэ удаа бид зохиолч Я.Арслангийн “Эрүүл урт наслах алтан судар” номыг сонголоо. Энэхүү бүтээл нь 2023 онд уншигчдын гарт хүрсэн бөгөөд сонирхолтой олон мэдээллийг багтаажээ. Тус номонд багтсан мэдээллээс уншигч танд хүргэе. Та бүхэн “Эрүүл урт наслах алтан судар” номыг Интерном дэлгүүрээс худалдан авах боломжтой.
Хүүхэдтэй болохыг хүсдэг, ялангуяа архаг өвчний улмаас эм хэрэглэдэг эмэгтэй төлөвлөгөөтэй жирэмслэх нь маш чухал.
Учир нь зарим эм төрөлтийн гажиг үүсгэдэг. Жирэмсэн үед эм тариа хэрэглэхгүй байвал сайн боловч өвчний улмаас эм тариа хэрэглэхээс өөр замгүй байдал үүсдэг. Зарим гоо сайхны бүтээгдэхүүн бас аюултай. Зүрх, нурууны гажигтай, сэтэрхий уруултай, нүд харааны доголдолтой гэх зэрэг ноцтой өвчтэй хүүхэд төрөх аюултай. Согогтой төрсөн хүүхэд нэг нас хүрэлгүй үхэх тохиолдол нэлээд элбэг байдаг.
Жирэмсний эхэн үед буюу эмэгтэй хүн жирэмсэн болсноо өөрөө мэдээгүй үед урагт ихээхэн гажиг үүсдэг. Жирэмсний эхний 3 сард урагт ноцтой гажиг үүсэх эрсдэл ихтэй. Энэ үед ургийн бүх эрхтэн бүрэлдэн бий болдог. Нэлээд аюултай эмийн тоонд батга арилгах давирхайлаг хүчил, жирэмслэхээс хамгаалах эмүүд орно.
Эмэгтэйчүүдийн гормонд муугаар нөлөөлж, улмаар төрөлхийн өвчин эмгэгтэй хүүхэд төрөх эрсдэлтэй эмүүд байдаг. Үүнийг таны эмч хэлж өгнө.
Зарим зүрхний эм ургийг зүрх, нурууны гажиг, сэтэрхий уруултай болгодог
Давирхайлаг хүчлийн (zetinoic acid) нөлөөгөөр нүүр, зүрх, тархи дутуу бүрэлдэн бий болж гажигтай хүүхэд төрөх аюултай.
Зарим тайвшруулах эм зүрхний согог үүсгэдэг.
Хавдрын эмүүдийн нөлөөгөөр дутуу төрөх, төв мэдрэлийн систем, тархины согог үүсэгдэг.
Эх сурвалж: “Эрүүл урт наслах алтан судар” ном
