Өнөөдөр өглөөний 05:21 цагт Баянзүрх дүүргийн 42 дугаар хороонд байрлах орон сууцны орцонд утаа ихээр үнэртэж байна гэх дуудлага, мэдээлэл бүртгэгджээ. Тухайн дуудлагын дагуу тус дүүргийн Гал түймэр унтраах, аврах 63 дугаар ангийн алба хаагчид үүрэг гүйцэтгэж, 16 давхар барилгын зургаадугаар давхраас арваннэгдүгээр давхар хүртэлх цахилгааны хуваарилах самбар болон сувагчлал шатаж байсныг унтраасан байна. Улмаар утаажилтын бүсээс тус байрны 85 иргэнийг аюулгүй гаргажээ.
