Инфляцын түвшин 2024 оны гуравдугаар сард 7 хувьтай гарчээ.
Өөрөөр хэлбэл хэрэглээний бараа, үйлчилгээний үнэ өмнөх оноос 7 хувь өссөн гэсэн үг юм. Ингэж өсөхөд хүнсний бараа, ундаа, усны бүлгийн үнийн өсөлтөөс 40.2 хувь нь шалтгаалсан гэж Үндэсний Статистикийн Хороо(ҮСХ) үзсэн байна.
Хүснэгт, Инфляцад бараа, үйлчилгээний бүлгүүдийн үнийн өсөлтийн оролцоо, нэгжээр, жил бүрийн гуравдугаар сард
Харин бүсчилж үзвэл дээр дурдсан хугацаанд хангайн бүсэд барааны бүлгийн үнэ 8.2 хувь, Улаанбаатар хотод үйлчилгээний бүлгийн үнэ 7.6 хувь, Төвийн бүсэд хүнсний бүлгийн үнэ 11.4 хувь, Улаанбаатар хотод хүнсний бус бүлгийн үнэ 6.1 хувиар тус тус өссөн нь хамгийн өндөр байгаа юм.
Инфляцын түвшин буюу хэрэглээний бараа, үйлчилгээний үнэ 2023 оны гуравдугаар сард 12.2 хувь гарч байсан бол 2024 оны гуравдугаар сард 7 болсноор өсөлтийн хурд өмнөх оны мөн үеэс 5.2 хувиар буурлаа.
Эх сурвалж: ҮСХ
