Монголын хамгийн том өрх айл болох Өнөр бүл хүүхдийн төв нь 1974 онд “Асрамжийн 58 дугаар цэцэрлэг” нэртэйгээр байгуулагдан, төрийн нэрийн өмнөөс олон мянган хүүхэд багачуудыг асран хамгаалж, хөгжүүлж ирсэн хүмүүнлэг, энэрэнгүй, ачлалтай байгууллага юм.
Өнөр бүл хүүхдийн төвийн 50 жилийн ой энэ онд тохиож буй бөгөөд, өдгөө тус төвд өсөн торниж буй хүүхдүүд өөрсдийн сурсан мэдсэн зүйлээрээ тайлан тоглолт хийх гэж байгаа ажээ. Мөн төвийн багш ажилчид болон төгсөгч нар хүүхдүүдийн амьдрах орчныг улам илүү өнгөлөг сайхан болгохын зорьж цөөнгүй бүтээн байгуулалтын ажлыг хийсээр байна. Түүхт 50 жилийн ойгоо 2024 оны дөрөвдүгээр сарын 20-ны өдөр угтах гэж байгаа тул монголын ард түмнээс тус төвийн бүтээн байгуулалтын ажилд сэтгэлийн хандиваа өргөнө үү хэмээн хүсч буйгаа манай сайтаар дамжуулан уламжиллаа.
Та бүхэн сэтгэлийн хандиваа дараах дансанд өргөөрэй. Сайн үйлс бүхэн дэлгэрэх болтугай.
ТӨРИЙН БАНК, ДАНС: 103536032000 Асралт хайрын өргөө НҮТББ
ХААН БАНК, ДАНС: 5920964962 Асралт хайрын өргөө НҮТББ
Та өөрийн нэр болон гар утасны дугаараа 9611 кодын хамт бичнэ үү.
