Уран барималч Өлзийбаярын Бүрэнжаргалын “Хайр” бие даасан үзэсгэлэн Соёлын яамны галерейд 2024 оны гуравдугаар сарын 03-ны өдрөөс 2024 оны гуравдугаар сарын 31-ний өдөр хүртэл дэлгэгдэж байна.
Уран бүтээлч Ө.Бүрэнжаргал мод, чулуу, төмөр болон холимог техник ашиглан бүтээсэн уран баримлын бүтээлүүдээрээ дамжуулан эх орон, эрх чөлөөгөө хайрлах, өвөг дээдэс, өв соёлоо хайрлах, гэр бүл, амраг хосоо хайрлах, өөрийн болон өрөөлийн мөрөөдөл, хүсэл тэмүүллийг хайрлах, бүхий л харилцаа хэмжээ хязгаарыг давахгүйгээр бие биеэ харилцан хүндлэн энэ хорвоо дээр оршихуйн тухайд харуулахыг зорьсон байна.
