Улаанбаатар Цахилгаан Түгээх Сүлжээ ТӨХК-аас цахилгаан шугам тоноглолд засвар үйлчилгээ хийх гуравдугаар сарын хуваарийг нийтэд зарласан билээ. Тэгвэл өнөөдөр буюу гуравдугаар сарын 01-ны өдөр Сүхбаатар дүүргийн 19 дүгээр хорооны Майхан толгой, Санзай, Баянбулаг зуслангийн бүсэд болон хотын төвийн Голомт хотхон орчмоор 10:30-17:00 цагийн хооронд цахилгаан эрчим хүчийг хязгаарлах хуваарьтай байна. Хэрэв энэхүү хуваарьт өөрчлөлт орвол гэрээнд бүртгэгдсэн дугаарын утсаар мэдээлэл хүргэх аж. Засварын ажлыг тухайн тоноглолын хүчдэлээс бүрэн чөлөөлсний дараа хийдэг тул нөхцөл байдлыг харгалзан хүлээцтэй хандахыг уриаллаа.
