Ихэнх хүн тухайн цаг үедээ давамгайлж буй хувцаслалт, хэв маяг, нүүр будалт, трэндийг дагадаг гэхэд хилсдэхгүй. Нээрээ л трэнд болоод буй зүйлс яалт ч үгүй сайхан харагддаг шүү дээ. Тэгвэл дэлхийн томоохон загварын орднуудын 2024 оны хавар, зуны загварын шоунд голчилсон чиг хандлагыг хуваалцъя.
Богино шорт
Prada, Gucci, Hermès, Miu Miu зэрэг олон брэнд цуглуулгадаа богино шортыг онцлоод буй. Зөвхөн зуны халуун өдрүүдэд дангаар нь өмсөх шаардлагагүй бөгөөд өнгийн тиркон дээр хослуулсан сэрүүн үед ч өмсөж болох юм.
Металл
Гялтгануур, мөнгөлөг, металл чимэглэл нь 2024 загварын чиг хандлагыг голлох байр суурийг эзэлж буй. Магадгүй та анзаарсан бол мөнгөлөг өнгийн гоёл чимэглэл, цүнх, хувцас хэрэглэл өргөнөөр ашиглагдаад байгаа билээ.
Өндөр суудалтай өмд
Та энэ жил хөлийг урт, өөгүй харагдуулж чаддаг өндөр суудалтай өмд сонгохдоо бүү эргэлзээрэй. 80, 90-ээд онд трэнд болж байгаад 2010 оноос эргэж ирсэн энэхүү өмдний загвар одоо бүр ч дараагийн түвшинд очжээ.
Поло
Поло гэхээр ах эгч нарийн нийллэгээрээ өмсдөг гэсэн ойлголт хэдийн ард хоцорсныг загварын орднууд баталсаар. Хэрэв та хэрхэн өмсөхөө мэдэхгүй байвал интернэтээс хайгаад үзвэл янз бүрээр өмсөх санаа бий.
Нэвт гэрэлтэх банзал
Гэрэлтдэг даашинз, дотуур хувцаснаас сэдэвлэсэн торон банзал энэ хаврын трэнд болжээ. Гэхдээ мэдээж нэвт гэрэлтдэг банзлаа өнгө дагуу хувцас эсвэл бариу шорт зэрэгтэй загварчилж өмсвөл илүү тухтай байх боломжтой.
90-ээд оныг санагдуулах загвар
Бидний ээж, аавын үед өмсөгдөж байсан хувцас одоо бүр ч илүү дэлгэрэх нь ээ. Ер нь сүүлийн жилүүдэд минимал, винтэж загвар давамгайлж байгаа бөгөөд түүнийг хэрхэн загварчилж, зохицуулж өмсөх нь таны сонголт болоод буй…
