Францын Ерөнхийлөгч Эммануэл Макрон Габриэль Атталийг мягмар гарагт Ерөнхий сайдаар томиллоо. Г.Атталь одоо 34 настай бөгөөд Францын түүхэн дэх хамгийн залуу Ерөнхий сайд болж байна. Тэрбээр 28 настайдаа Э.Макроны төвч үзэл баримтлагч намаас Үндэсний ассемблейн гишүүнээр сонгогдсон бөгөөд өнгөрсөн онд Боловсролын сайдаар томилогдон ажиллаж байсан юм.
Францын хэвлэлүүдэд мэдээлж буйгаар, Г.Атталь ижил хүйстэн гэдгээ олон нийтэд ил тод зарласан, тус улсын анхны Ерөнхий сайд болж байна. Атталын хамтрагч нь 38 настай хуульч, улс төрч бөгөөд хосууд 2015 оноос хойш хамтдаа байгаа аж.
Тэрбээр бас хувийн бизнесийг дэмжих замаар Францын эдийн засгийг шинэчлэх Макроны бодлогыг үргэлжлүүлж, залуу үе болон боловсролын салбарт анхаарал тавихаа амлажээ. Өмнөх ерөнхий сайд Элизабет Борнег танхимынх нь хамт огцруулсан Макроны энэ алхмыг ирэх зургаадугаар сард болох сонгуульд ялах зорилготой авсан арга хэмжээ гэлцэж байна.
