Эрүүгийн хуульд нэмэлт, өөрчлөлт оруулах тухай, Зөрчлийн хуульд оруулсан нэмэлт өөрчлөлт оруулах тухай хуульд нэмэлт өөрчлөлт оруулсан. Хуулийн шинэ зохицуулалт зохицуулалтын 2024 оны нэгдүгээр сарын 1-нээс мөрдөгдөж эхэлсэн.
Улмаар Зөрчлийн тухай хуулиар торгуулсан жолооч хуулийн хугацаанд буюу 15 хоногийн дотор торгуулиа төлбөл торгуулийн хэмжээг 50 хувь хөнгөлнө. Харин Зөрчлийн хуульд заасан 15 хоногоос хэтрүүлбэл торгуулийн хэмжээг 50 хүртэлх хувиар нэмэгдүүлэх зохицуулалт орсон. Хэрэв торгууль төлөх чадваргүй бол нийтэд тустай ажил хийлгэх шийтгэлийг шинээр оруулсан.
Автомашины торгуулиа төлөх БОЛОМЖУУД:
- Торгуулийн мэдээллээ http://torguuli.police.gov.mn/ хуудсаар дамжин орж, автомашины улсын дугаараа оруулаад шалгах боломжтой. Торгуулийн мэдээллийн санд бүртгэгдсэн эсэхийг шалгахдаа тээврийн хэрэгслийн дугаар эсвэл жолооны үнэмлэхний дугаарыг оруулна. Хайлт хийхийн өмнө баталгаажуулах зурган кодыг заавал оруулах ёстой.
- Голомт банкны “Интернет банк” цахим хуудсаараа нэвтрэн ороод “Төлбөр” цэсэнд “Торгууль төлөх” гэсэн цонх бий. Цонхыг нээхэд автомашины улсын дугаараа оруулах хэсэг байгаа. Мөн “SocialPay” гар утасны аппликейшнаар дамжуулж цахим хэлбэрээр төлөх боломжтой.
- Гар утсандаа “Gerege” апликейшнийг суулгаж цахим хэлбэрээр төлөх. Мөн “Гэрэгэ киоск” машинаар дамжуулж биеэр төлөх боломжтой бөгөөд байршлын мэдээллийг ЭНД дарж авна уу.
- Smartcar.mn цахим хуудсаар дамжуулж торгуулийн мэдээллийг лавлаж, төлөх боломжтой:
- Төрийн цахим үйлчилгээний нэгдсэн портал Е-Монголиа системээр дамжуулж өөрийн нэр дээрх болон тээврийн хэрэгслийн дугаар торгуулийн мэдээлэл лавлах, торгуулийн төлбөр төлөх боломжтой.
- Ebarimt.mn цахим төлбөрийн системээр дамжуулж торгуулийн мэдээллийг лавлаж, төлөх боломжтой.