Төр, хувийн хэвшлийн түншлэлийн тухай хуулийг 2024 оны 01 дугаар сарын 01-ний өдрөөс хүчин төгөлдөр мөрдөж эхлэнэ. Хууль хэрэгжүүлэх бэлтгэл ажлын хүрээнд ЭЗХЯ-ны зүгээс хуульд заасан журмуудыг боловсруулж, олон улсын байгууллагууд, Засгийн газрын гишүүд, олон нийтийн саналыг тусган Засгийн газраар батлуулаад байна.
ТХХТ-ийн хуулиар хувийн хэвшлийн оролцоо хөрөнгө оруулалтыг нэмэгдүүлэх, бизнесийн үйл ажиллагаа зах зээлийг тэлэх, урт хугацаанд тогтвортой, харилцан үр ашигтай хамтран ажиллах, төрийн үйлчилгээний салбарт хувийн хэвшлийг татан оролцуулснаар өрсөлдөөнийг бий болгож, иргэдэд хүрэх үйлчилгээний чанарыг дээшлүүлэх зэрэг хувийн хэвшилд суурилсан эдийн засгийн хөгжлийг хангах эрх зүйн орчныг бүрдүүлж байна.
