Налайх ЭМТ-ийн мэс заслын тасгийн хамт олон ХСҮТ-тэй ЭЦНБМСТ-ийн эрхлэгч Г.Үнэнбат ахлагчтай баг бүрэлдэхүүнтэй хамтран “Элэгний баруун дэлбэнгээс хавдартай хэсгийг тайрах мэс засал”-ыг анх удаа Налайх дүүрэгт амжилттай хийжээ. Эмчлүүлэгчийн бие байдал сайн байгаа ба цаашид гам, дэглэмийг үргэлжлүүлэн барих шаардлагатай аж.
Дашрамд дурдахад тус дүүргийн хэмжээнд 346 хүн хавдрын хяналтад байгаагаас хамгийн их нь буюу 23,5 хувийг элэгний хорт хавдар эзэлж буй. Цаашид энэхүү хагалгааг бие даан хийж, хавдрын мэс заслыг дүүрэгтээ нутагшуулахад бүрэн боломжтой болжээ.
