Ой тогтоолтын Олон Улсын Холбооноос зохион байгуулсан “Ой тогтоолтын Дэлхийн Аварга шалгаруулах тэмцээн”- д 13 улсын 780 тамирчин харааны болон сонсголын ой тогтоолтыг шалгасан 10 төрлөөр гурван өдрийн турш өрсөлдөж аваргуудаа тодрууллаа.
Ийнхүү тэмцээний нийлбэр дүнг зарлахад:
- Бага насанд М.Гэгээн-Оюун,
- Өсвөр насанд ОУМ Э.Үүрийнцолмон,
- Насанд хүрэгчдийн ангилалд ОУ-ын Их Мастер, Дэлхийн Аварга Т.Тэнүүн нар тэргүүлж аваргын цом хүртлээ.
Нийт тамирчдыг оноогоор тэргүүлж 2023 оны дэлхийн аваргаар ОУ-ын Их Мастер, 2022 оны Дэлхийн Аварга Т.Тэнүүн тодорсон бөгөөд ийнхүү хошой дэлхийн аварга болжээ.
