Есдүгээр сарын 30-ны өдөр МУБИС-ийн хичээлийн гуравдугаар байранд “Мөлхөгчдийн өдөрлөг” болно. Өдөрлөгийг The Reptile lovers буюу Мөлхөгч, хоёр нутагтан амьтанд дурлагсдын групп болон, МУБИС математик, байгалийн ухааны сургууль, Ulaanbaatar zoo хамтран хоёр дахь жилдээ зохиож байна. Өдөрлөгт өнгөрсөн жилтэй харьцуулахад илүү олон төрөл зүйлийн амьтдыг танилцуулах юм байна. Мөн азын сугалаа болон хамтрагч байгууллагын бэлэг гээд сонирхолтой хөтөлбөрүүдийг хүрэлцэн ирсэн зочдынхоо дунд зохион байгуулахаар бэлджээ. Түүнчлэн тус өдөрлөгийг үзэхийг хүссэн хэн бүхэнд нээлттэй буюу үнэ төлбөргүй болох юм.
