Шанхай хотын аялал жуулчлалын гол бүст тооцогдох Юй Юань цэцэрлэгт хүрээлэн 400 гаруй жилийн настай маш үзэсгэлэнтэй, жуулчдын хамгийн ихээр зорин очдог газруудын нэг юм.
Мин гүрний үед баригдсан уг цэцэрлэгийг Пан Юндуан /Сычуаны ерөнхий сайд байсан/ эцэг эхдээ зориулан анх бариулж байжээ. 1559 онд өөрийн газар нутагтаа чулуу түүж, усан сан ухаж, орднуудыг барьж эхэлсэн бөгөөд хорь гаруй жил барьсны эцэст Ю цэцэрлэгт хүрээлэнг анхны байдлаар байгуулжээ
.”Ю” нь “амар амгалан, аюулгүй” гэсэн утгатай.
Цэцэрлэгт хүрээлэнгийн нэг гол онцлог та жилийн дөрвөн улирлын аль ч үед үзэх боломжтой. Хаврын улиралд аялагчид цэцэрлэгт цэцэглэж буй төрөл бүрийн цэцэгс, хад чулуугаар ургасан нарс, мөрөг загасаар эргэлдэх гялтганасан усан сан гэх мэтийг үзэх боломжтой. Зуны улиралд Хутингсин асар, Есөн эргэлттэй гүүрний ойролцоох усны сараана цэцгийг үзэх боломжтой. Намрын улиралд цэцэрлэгт хүрээлэн нь соёлын сэтгэл татам, урлагийн амтаар дүүрэн байдаг тул аялагчид Юу цэцэрлэгт хүрээлэнгийн намрын сүмийн үзэсгэлэнг үзэх боломжтой. Өвлийн улиралд Юу цэцэрлэгт хүрээлэнгийн шинэ жилийн улаан дэнлүүний баяр зэргийг үзэх болмжтой аж.
Юү цэцэрлэгт хүрээлэн нь байгалийн үзэсгэлэн, усан сан, архитекторын тансаг шийдэл бүхий орднууд гэх мэт зургаан хэсгээс бүрддэг бөгөөд хүрээлэнг бүхэлд нь үзэхэд 2-3 цаг хангалттай байдаг аж. Мөн аялал жуулчлалын голлох бүс болсонтой холбоотойгоор худалдааны зах, хоолны гудамжтай юм.
