Өнөөдөр “Дэлхийн нууц үгийн өдөр” буюу “World Password Day” тохиож байна. Энэ өдрийг тохиолдуулан нууц үгтэй холбоотой хамгийн сонирхолтой судалгаа, баримтуудаас хуваалцъя.
- Дэлхий дээрх хамгийн түгээмэл нууц үг одоо ч “123456” хэвээр байна. Зарим судалгаагаар энэ нууц үг л гэхэд 170+ сая удаа алдагдсан мэдээллийн санд давтагдсан байна.
- Кибер халдлагын 81 хувь нь сул эсвэл хулгайлагдсан нууц үгтэй холбоотой гэж судалгаанд дурджээ.
- Дундаж хүн 100-аас дээш аккаунтын нууц үг удирддаг болсон байна. Үүнээс болж хүмүүс нэг нууц үгээ олон сайт дээр давтан ашиглах нь түгээмэл болжээ.
- 2025 онд ил болсон томоохон дата алдагдлуудыг нэгтгэхэд 19 тэрбум гаруй нууц үг интернэтэд тархсан байжээ. Тэдгээрийн 94 хувь нь өөр сайт дээр давхар ашиглагдаж байсан байна.
- Судалгаагаар Gen Z үеийн хэрэглэгчдийн 72 хувь нь нэг нууц үгийг олон аккаунтад ашигладаг гэжээ. Гэхдээ тэдний ихэнх нь энэ нь эрсдэлтэйг мэддэг байна.
- “password”, “admin”, “qwerty”, “iloveyou”, “dragon” зэрэг үгс өнөөдөр ч хамгийн их хакердуулдаг нууц үгсийн жагсаалтад орсоор байна.
- Кибер халдлага дунджаар 39 секунд тутамд нэг удаа болдог гэж тооцоолжээ.
- Сүүлийн жилүүдэд “passkey” технологи хүчтэй хөгжиж байгаа бөгөөд Их Британийн кибер аюулгүй байдлын төв уламжлалт нууц үгээс татгалзахыг хүртэл зөвлөсөн байна.
- Судлаачид AI ашиглан нууц үг таах системүүд улам хүчирхэг болж байгааг анхааруулж байна. GAN төрлийн хиймэл оюун ухаан ашигласан системүүд өмнөхөөс илүү олон нууц үгийг тайлах чадвартай болжээ.
- Өнөөдөр кибер аюулгүй байдлын мэргэжилтнүүдийн хамгийн их зөвлөдөг арга бол:
- урт passphrase ашиглах
- password manager хэрэглэх
- хоёр шатлалт хамгаалалт (2FA)
- аккаунт бүрт өөр нууц үг хэрэглэх юм.
