Тавантолгой-Гашуунсухайт чиглэлийн төмөр замд Зам, тээврийн хөгжлийн яам, Цахим хөгжил, харилцаа холбооны яам, Барилга, хот байгуулалтын яам, Онцгой байдлын ерөнхий газар, Архивын ерөнхий газар болон бусад холбогдох байгууллагуудын төлөөллийг багтаасан Техникийн комисс ажиллаж байна.
Тус ажлын хэсэг нь Тавантолгой-Гашуунсухайт чиглэлийн төмөр замын дохиолол төвлөрүүлэлт, хориглол ба холбоо мэдээллийн байгууламжийн бүрдэл хэсэг болох галт тэрэгний хажуугийн илрүүлэх систем, тетра тоон радио системийн угсралтын ажлын гүйцэтгэлд шалгалт хийж, дүгнэлт гаргах үүрэгтэй.
Түүнчлэн төмөр замын төслийн барилгын ажлын гүйцэтгэлд хэсэгчлэн ажилласан өмнөх Техникийн комиссоос өгсөн үүрэг даалгаврын биелэлтийг шалгаж, баталгаажуулах юм гэж ЗТХЯ-наас мэдээллээ.
