Сэлэнгэ аймгийн Шаамар сумын Дэлгэрхаан багийн “Усжуулах” гэдэг газар аймгийн төвөөс баруун урд зүгт хээрийн гал түймэр гарсан тухай дуудлага өчигдөр өдрийн 15:09 цагт ОБЕГ-т иржээ. Улмаар алба хаагчид хээрийн гал түймрийг унтраахаар ажиллаж 04.04-ний өдрийн 15:40 цагт цурамд оруулж, 16:20 цагт бүрэн унтраасан байна.Түймэрт нийт хээрийн хоёр га талбай өртөж шатжээ. Түүнчлэн Баян-Өлгий аймгийн Ногооннуур сумын долдугаар багийн “Шар модон” гэдэг газар хээрийн гал түймэр гарч таван га талбай өртөж шатсан байна. Улмаар алба хаагчид гал түймрийг 20:30 цагт цурамд оруулж, 23:20 цагт бүрэн унтраасан талаар Онцгой байдлын ерөнхий газраас мэдээллээ.
