FIBA 3×3 сагсан бөмбөгийн Азийн аварга шалгаруулах тэмцээн гуравдугаар сарын 29-нөөс дөрөвдүгээр сарын 2-ны өдрүүдэд Сингапур улсад болно. Тус тэмцээнд оролцох Монгол улсын эрэгтэй, эмэгтэй шигшээ баг бүрэлдэхүүн тодорлоо.
Үүнд эрэгтэй багт Ариунболдын Ананд, Даваасамбуугийн Дэлгэрням, Энхбатын Дөлгөөн, Онолбаатарын Энхбаатар нар сонгогдсон бол эмэгтэй багт Бат-Эрдэнийн Ариунцэцэг, Цэнджавын Болорцэцэг, Онолбаатарын Хулан, Мөнхсайханы Цэрэнлхам нар шалгарсан юм.
Үндэсний дээд лигийн плей-оффын тоглолтууд Азийн аваргын үеэр завсарлах учир дээрх тамирчид эх орноо төлөөлөн Сингапурыг зорино.
