Мисс, жүжигчин П.Шүүдэрцэцэг АНУ-аас ирээд Монголдоо дахин суралцахаар болсон байна. Харь оронд байх хугацаандаа тус улсад жил бүр зохион байгуулагддаг “Miss Asia USA” тэмцээнд оролцон, тэргүүн титмийн эзэн болж, эх орныхоо нэрийг дуурсгаад удаагүй байгаа билээ. Эх орондоо ирсэн ч үндсэн мэргэжлийнхээ ажлын хажуугаар давхар өөрийгөө хөгжүүлэхээр сонгосон мэргэжил нь “программист”. Саяхан IPTV-гээр нээлтээ хийсэн “Дуудлагаар хов базагч 2” кинонд программист, хакерын дүрийг бүтээсэн нь түүнд энэ мэргэжлийг сонирхох сонирхлыг илүү нэмж өгсөн тухайгаа ч хэлжээ. Тэрбээр, өндөр хөгжилтэй орнуудад илүүтэй хөгжсөн программ хангамжийн bootcamp-ийг монголдоо нутагшуулсан “Amjilt Bootcamp”-ийг сонгосон байна.
