Сүүлийн өдрүүдэд автомашин хулгайлах гэмт хэрэг нэмэгдэж байна. Тухайлбал, энэ сарын 8-нд “Хашааны гаднаас автомашинаа хулгайд алдчихлаа” гэсэн дуудлага цагдаагийн байгууллагад бүртгэгджээ. Тус мэдээллийн дагуу Баянзүрх дүүргийн цагдаагийн алба хаагчид эрэн сурвалжлах ажлыг шуурхай зохион байгуулжээ. Улмаар 28 настай, “З” бусдын “Toyota Crown” маркийн автомашин хулгайлсан хэргийг илрүүлэн, шалгалтын ажиллагаа үргэлжилж байна. Иймд иргэдийг өөрийн автомашинаа хяналтын камертай газарт байршуулах, тээврийн хэрэгслээ асаалттай орхилгүй болзошгүй эрсдэлээс урьдчилан сэргийлэхийг цагдаагийн байгууллагаас анхааруулж байна.
