Нийслэлийн Сонгинохайрхан дүүргийн гуравдугаар хороонд байрлах байшин шатжээ. Иймд тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид очиж иргэн М-ийн мансардтай 8×7 метрийн хэмжээтэй 2 давхар байшин шатаж байсныг 40 минут ажиллаж унтраасан байна.
Нийслэлийн Сонгинохайрхан дүүргийн 15 дугаар хороонд байрлах байрны орцонд гал гарч байна гэсэн дуудлага Онцгой байдлын ерөнхий газарт иржээ. Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход Т-ийн хөргөгч, эд зүйлс шатаж байсныг 30 минут ажиллаж унтраасан байна.
Иргэдийн анхаарал болгоомжгүй үйлдлээс үүссэн гал түймрийн гаралт буурахгүй байгаа тул ил гал гаргахгүй байх, бага насны хүүхдэд чүдэнз болон гал гаргах хэрэгсэл өгөхгүй байхыг ОБЕГ-аас анхаарууллаа.
