Цахим спортын CS|GO төрлийн ДАШТ энэ оны тавдугаар сарын 8-21-ний хооронд Франц улсын нийслэл Парис хотноо болох юм. Тэмцээнийг зохион байгуулах албан ёсны эрхийг BLAST.tv авсан юм. Уг тэмцээний Азийн аваргын тэмцээнийг Монгол Улсад зохион байгуулах эрхийг Монголын И-Спорт холбоо буюу MESA авчээ.
1.2 сая ам.долларын шагналын сантай ДАШТ-д нийт 24 баг Европ, Америк болон Ази-Номхон далай гэсэн гурван бүсээс оролцоно.
- Европын сонгон шалгаруулалт Дани улсад,
- Америкийг Мексик улсад,
- Ази-Номхон далайн урьдчилсан шат Монгол Улсад зохион байгуулагдахаар болжээ.
Монгол Улсын нийслэл Улаанбаатар хотод болох урьдчилсан шатны тэмцээн дөрөвдүгээр сарын 3-9-нд болно. Азийн шилдэг найман баг Монголд ДАШТ-д оролцох хоёр эрхийн төлөө өрсөлдөх юм.