Цахим хөгжил, харилцаа холбооны сайд Н.Учрал 13А маягтыг цахимжуулах талаар дараах мэдээллийг өгөв.
“Иргэд нарийн мэргэжлийн эмчид үзүүлэх, хэвтэж эмчлүүлэх тохиолдолд харьяаллын эмнэлэг нь биш л бол харьяа эмнэлгээсээ 13A маягт авч ир гэсэн шаардлага тавьдаг. Орон нутгаас өвдөөд ирсэн хүнээс 13А маягт нэхэж, эмчлэхгүй гээд буцаах явдал ч гарч байсан тохиолдлууд бий гэх.
Энэ мэтчилэн 13А маягтгүй л бол зарим иргэд эрүүл мэндийн тусламж, үйлчилгээ авч чадахгүй явдал чирэгдэл болдог. Түүнчлэн энэ бичгийг авах гэж бүхэл бүтэн долоо хоног зарцуулдаг тухай ч иргэд шүүмжилж байна. Тиймээс Эрүүл мэндийн яамтай хамтарч энэ оны хоёрдугаар улиралд багтааж 13А маягтыг цахимжуулах асуудлыг шийднэ” хэмээв.