Шүүхийн ерөнхий зөвлөлөөс нээлттэй хэвлэлийн бага хурал хийж байна. Мэдээллийн эхэнд улсын хэмжээнд 2022 оны гуравдугаар улирлын тоон дүн мэдээллийг танилцууллаа.
Монгол Улсын шүүх энэ оны гуравдугаар улиралд 20 тэрбум гаруй төгрөгийг төрийн санд төвлөрүүлэхээр болжээ. Мөн улсын хэмжээнд анхан шатны шүүхийн 1300 орчим шүүх хуралдаанд 1500 гаруй иргэн оролцжээ. Улсын хэмжээнд хүний эрүүл мэндэд санаатай учруулсан гэмт хэрэг 26.9 хувь, дээрэмдэх гэмт хэрэг 46 хувиар тус тус өссөн байна. Түүнчлэн ял шийтгүүлэгчдийн дотор 30-34 болон 36-аас дээш насныхан 66.5 хувийг эзэлж байна.
Гэмт хэргийн улмаас 11781 хүн, 323 хуулийн этгээдийг хохирогчоор тогтоосон. Үүнээс 19.7 тэрбум төгрөгийн эд хөрөнгийн хохирол, 323 хүний амь хохирчээ. Цагдан хоригдсон хүний тоо 18.2 хувиар өссөн байна.