МҮХАҮТ, Булган аймгийн ЗДТГ-тай тус аймгийн МСҮТ-ийн сургалтын хөтөлбөрийг ажил олгогчдын эрэлт, шаардлагад нийцүүлэн сайжруулах, сургалтын материаллаг бааз тоног төхөөрөмжийг шинэчлэх, хөдөлмөрийн зах зээлд өрсөлдөх чадвартай төгсөгч, ажилтнуудыг бэлтгэх зорилгоор Хамтын ажиллагааны санамж бичиг байгууллаа.
Санамж бичигт МҮХАҮТ-ын дарга Т.Дүүрэн, Булган аймгийн Засаг дарга Б.Ариун-Эрдэнэ нар гарын үсэг зурав.
Хамтын ажиллагааны санамж бичгийн хүрээнд мэргэжлийн боловсролын сургалтын хөтөлбөрийг олон улсын чиг хандлага, шинэлэг арга хэрэгсэл, арга зүйд суурилсан практик сургалтын хөтөлбөртэй уялдуулан шинэчлэх, сургалтын тоног төхөөрөмжийг сайжруулах, гадаад харилцаа, хамтын ажиллагааг хөгжүүлэх зэрэг чиглэлээр хамтран ажиллах юм. Хамтын ажиллагааны дүнд МСҮТ-ийн сургалтын хөтөлбөр шинэчлэгдэж, суралцагсад орон нутагтаа олон улсын жишигт нийцсэн хөтөлбөрөөр мэргэжил эзэмших, ур чадвараа дээшлүүлэх боломж бүрдэнэ.