Өдөр тутмын байнгын салшгүй хэрэглээ болсон гар утсаа цэнэглэхдээ бид ямар алдаа гаргадаг вэ?
Бидний хувьд нэг нийтлэг зүйл бий. Тэр нь бидний бүгдийнх нь ухаалаг утасны батерей маш муу ердөө нэг өдөр ч заримдаа барьдаггүй. Гэхдээ энэ нь нэг талаасаа бидний утсаа цэнэглэхдээ гаргадаг алдаатай шууд хамааралтай. Бид утсаа байнга бага багаар цэнэглэх нь муу. Тиймээс яг дуусах үед нь дүүрэн цэнэг өгөх нь зүйтэй гэж бодоцгоодог. Гэтэл яг үнэндээ батерей үйлдвэрлэгчдийн хэлж байгаагаар ухаалаг утасны lithium-ion батерей хүмүүс бидэн шиг “стресс”-т ордог. Энэ нь урт хугацаанд үргэлжилбэл маш муу нөлөөтэй.
Тэгэхээр утасны батерейгаа сайн хэвээр нь хадгалж байхыг хүсвэл дараах зөвлөмжийг дагаарай.
#Бүрэн цэнэглэгдсэн үед нь залгаатай орхиж болохгүй
Утсаа дүүрэн цэнэгтэй байхад нь залгаатай орхих ялангуяа шөнө залгаатай орхих нь урт хугацаандаа батерейг муутгадаг. Учир нь утасны цэнэг 100 хувьд хүрэхэд цэнэглэгч залгаатай хэвээр байгаа үед батерейг 100 хувьд барьж байхаар ажиллаж эхэлдэг. Энэ нь батерейг маш өндөр “стресс”-т оруулдаг бөгөөд муутгах нөхцлийг бүрдүүлдэг.
Мэргэжилтнүүдийн зөвлөж байгаагаар “батерейг бүрэн цэнэглэгдсэн үед нь салгаж байх ёстой бөгөөд үргэлжлүүлэн цэнэглэх нь хүнд дасгалын дараа ядарсан булчинд дахин ачаалал өгөхтэй ижил.”
#Үндсэндээ 100 хувь хүртэл цэнэглэхгүй байх хэрэгтэй
“Li-ion батерейг бүрэн цэнэглэх шаардлагагүй. Бүрэн цэнэг авсан батерей өндөр хүчдлийн улмаас мөн л стрессдэж эхэлдэг. Тэгэхээр цэнэглэх боломжтой үедээ цэнэглэгчид залгаад л яваад байхад батерейд ямар ч хор нөлөөгүй.
#Утсаа цэнэглэх боломжтой үедээ цэнэглэж бай
Батерейн ажиллагаанд өдрийн турш богино, богино хугацаагаар цэнэглэх нь цэнэг нь бүр мөсөн дууссан үед нь урт хугацаагаар цэнэглэхээс хамаагүй эерэг нөлөө үзүүлдэг.
Хамгийн төгс хувилбар нь батерей 10 хувь багасахад л цэнэгт залгаж байх нь гэнэ. Гэхдээ энэ хүн бүрд боломжтой зүйл биш тиймээс хэзээ боломжтой тэр үед цэнэглэгчид залгаж байх хэрэгтэй. Өдөрт хэд хэдэн удаа цэнэглэх нь тийм ч асуудалтай зүйл биш.
Мэдээж ийм байдлаар өдрийн турш цэнэг өгөх нь батерей гэнэт дуусахаас хамгаална бас батерейг тань стресст оруулахгүйгээр ажиллах боломж олгодог.
#Сэрүүн байлга
Ухаалаг утасны батерей халуунд (мөн өвлийн нөхцөлд хүйтэнд ч) тун тэсвэргүй байдаг. Apple-н мэргэжилтнүүдийн зөвлөгөөнөөс харахад утсаа цэнэглэх үедээ гаднах гэрийг нь авч байх нь халалтаас сэргийлдэг мөн зун халуун наранд байлгах, хэт халаах зэргээс хамгаалахыг сануулдаг. Энэ нь утасны батерейг удаан хугацаанд ямар нэг асуудалгүй ажиллахад дэм болдог байна.
