“Хьюмэн Зэт” ХХК болон “Зөвийг Шүгэлдэгчид” ТББ хамтран зохион байгуулж буй “Бидний бүтээсэн нийгэм” нээлттэй хэлэлцүүлгийн зочид зарлагдлаа. Маргааш буюу арваннэгдүгээр сарын 11-ний өдөр болох тус арга хэмжээгээр хүний эрх, ёс зүй, шударга ёс, цахим орчны нөлөөлөл, боловсрол болон нийгмийн хариуцлагын асуудлыг олон талын төлөөлөл оролцуулан хэлэлцэх юм.
Хэлэлцүүлгийн хүрээнд Хүний эрхийн Үндэсний Комиссын дарга Д.Сүнжид “Хүний эрхийг хүмүүс л хамгаална” сэдвээр илтгэл тавих бол судлаач Б.Хонгорзул “The Human Code — Хүн байх” сэдвээр оролцогчдод өөрийн үзэл бодол, судалгааны өнцгийг хуваалцана.
Харин “Бидний бүтээсэн нийгэм” панел хэлэлцүүлэгт дараах зочид оролцоно.
- Сэтгэл зүйч Ц.Дэлгэрмэнд — “Нийгмийн сэтгэл зүйн шарх”
- Монгол Улсын Соёлын гавьяат зүтгэлтэн, сэтгүүлч Г.Золжаргал — “Сэтгүүл зүйн гав дөнгө”
- Багш Б.Идэржавхлан — “Боловсролоор нийгмийг бүтээх нь”
- УИХ-ын гишүүн Ж.Золжаргал — “Хагаралдааны эх хаанаас вэ?”
- Чөлөөт уран бүтээлч, дизайнер Т.Маргад-Эрдэнэ — “Үзэл бодлоо илэрхийлэх эрх чөлөө”
Панел хэлэлцүүлгийг сэтгүүлч, HumanZ-ийн үүсгэн байгуулагч М.Баасандэлгэр чиглүүлэн явах юм.
“Бид ямар нийгмийг бүтээж байна вэ? Бас ямар нийгмийг бүтээхийг хүсэж байна вэ?” гэх асуултыг дэвшүүлж буй энэхүү хэлэлцүүлэг нь нийгмийн өнөөгийн нөхцөл байдлыг олон өнцгөөс эргэцүүлж, өөр өөр үзэл бодлыг сонсох, иргэдийн оролцоо, хувь хүний хариуцлагын талаар нээлттэй ярилцах боломжийг бүрдүүлэх зорилготой.
Арга хэмжээний мэдээлэл
- Хэзээ: 2026 оны 11 дүгээр сарын 11, 18:30 цаг
- Хаана: COSY CLUB, NCP BUILDING
- Зохион байгуулагч: “Хьюмэн Зэт” ХХК, “Зөвийг Шүгэлдэгчид” НҮТББ
- Бүртгэл: https://forms.gle/D4fiNgYaS25dqgAK8
Оролцогчдын тоо хязгаартай тул арга хэмжээнд оролцох хүсэлтэй иргэд дээрх холбоосоор урьдчилан бүртгүүлэх боломжтой.
BE THE CHANGE — Өөрчлөлтийг өөрөөсөө эхлүүлье.
