Австралийн Сидней хотод болсон Australian Fashion Week-ийн үеэр нэгэн эр усанд сэлэхээр явж байхдаа санамсаргүйгээр загварын шоуны тайзан дээгүүр алхсан бичлэг цахим орчинд тархаж, шуугиан тарилаа.
Уг үйл явдал тавдугаар сарын 12-нд Сиднейн Tamarama Beach орчимд болсон бөгөөд тухайн эр далайн эрэг рүү явах замдаа загварын шоу болж байгааг анзааралгүй тайз руу орж ирсэн аж.
Бичлэгт тэрбээр огт сандарсан шинжгүйгээр тайзан дээгүүр алхаж буй нь харагджээ. Энэхүү мөчийг үзэгчид болон зохион байгуулагчид бичиж авсан бөгөөд удалгүй сошиал орчинд viral болсон байна.
Цахим хэрэглэгчид түүнийг “жинхэнэ runway model шиг алхлаа”, “шоуны хамгийн memorable мөч боллоо” хэмээн хошигнон бичиж байгаа аж.
