Францын Биарриц хотод зохион байгуулагдсан Chanel брэндийн Cruise 26/27 коллекцийн шоуны үеэр танилцуулсан шинэ сандал загварын салбар болон цахим орчинд хэлэлцүүлэг үүсгээд байна.
Уг загвар нь уламжлалт гутлын хэлбэрээс эрс ялгаатай бөгөөд зөвхөн өсгий хэсгийг хоёр уяагаар тогтоосон, хөл нүцгэн мэт харагдуулах шийдэлтэй байжээ. Гэсэн хэдий ч уг загвар олон нийтийн дунд янз бүрийн хариулт, хэлэлцүүлэг дагуулаад зогсохгүй хэрэглэгчид сошиал сүлжээнд гайхшрал, шүүмжлэлээ илэрхийлээд буй. Зарим нь үүнийг “ер бусын”, “хэт этгээд” гэж тодорхойлсон бол, зарим нь хошигнон “энэ чинь гутал биш” хэмээн бичсэн байна.
Тус коллекцыг Matthieu Blazy удирдан танилцуулсан бөгөөд тэрбээр 1920-иод оны Chanel-ийг орчин үеийн байдлаар дахин тайлбарлахыг зорьсон гэж Women’s Wear Daily онцолжээ. Шоуг үзэхээр дэлхийн одод, тэр дундаа Nicole Kidman, Tilda Swinton, A$AP Rocky нар хүрэлцэн ирсэн бөгөөд загвар шүүмжлэгчид уг коллекцыг шинэлэг, зоригтой туршилт болсон гэж үнэлжээ.
