Guangdong Dongpo Paper Co. ажилтнуудынхаа эрүүл мэндийг дэмжих зорилгоор фитнесс дээр суурилсан урамшууллын шинэ тогтолцоо нэвтрүүлсэн нь олон нийтийн анхаарлыг татаж байна.
Тус компанийн хэрэгжүүлж буй системийн дагуу ажилтнууд сар бүр гүйсэн зайгаа бүртгүүлж, түүнд үндэслэн урамшуулал авах боломжтой аж. Тухайлбал, 100 км гүйсэн ажилтан сарын цалингийнхаа 130 хүртэлх хувийн нэмэгдэл авах боломжтой бөгөөд бага зайд тохирсон шаталсан урамшуулал ч мөн үйлчилдэг байна. Хөдөлгөөнийг фитнесс аппликейшнээр хянаж, алхалт, ууланд алхах зэрэг бусад идэвхтэй хөдөлгөөнийг ч тооцох боломжтой аж.
Энэхүү санаачилга нь ажилтнуудын эрүүл амьдралын хэв маягийг дэмжих зорилготой боловч цахим орчинд санал зөрөлдөөн дагуулж байна. Зарим хэрэглэгчид үүнийг бүтээлч, эрүүл мэндэд ээлтэй урамшуулал гэж үнэлж байгаа бол нөгөө хэсэг нь ажилтнуудад нэмэлт дарамт үүсгэж болзошгүй гэж шүүмжилжээ.
Ийнхүү ажилтнуудын гүйцэтгэлийг биеийн идэвхтэй хөдөлгөөнтэй уялдуулах шинэ туршилт хөдөлмөрийн орчны шинэ хандлагын нэг болж байна.
