Төрөөс иргэн, аж ахуй нэгж байгууллагад олгож буй үйлчилгээг цахим хэлбэрт оруулж түргэн шуурхай болгох, цаг хугацаа хэмнэх, ойн баялгийн ашиглалт, түүнийг тээвэрлэх, эрхийн бичиг, гарал үүслийн эрхийн бичиг олгох, түүнд хяналт тавих зорилгоор erp.forest.gov.mn программыг нэвтрүүлж байна.
Хүрээлэн байгаа орчны эсрэг гэмт хэрэг, зөрчлөөс урьдчилан сэргийлэх, таслан зогсоох чиглэлээр Экологийн цагдаагийн албатай 2026 онд хамтран ажиллана. Үүнд:
Ойн сан бүхий газрын газар ашиглалт, бүртгэлд хяналт шалгалт хийх, хүрээлэн байгаа орчны эсрэг гэмт хэрэг зөрчлийн төрөл, үйлдлийн арга, хамрах хүрээ, шалтгаан нөхцөлийг судалж, тэдгээрээс урьдчилан сэргийлэх, таслан зогсоох арга хувилбарыг хамтран оновчтой сонгож хэрэгжүүлэх, ажилтнуудыг мэргэшүүлэх ажлыг хамтран зохион байгуулах;
Ойн үндсэн ашиглалт, арчилгаа, цэвэрлэгээ, ойн аж ахуйн үйл ажиллагаа эрхэлж байгаа хүн, хуулийн этгээд ойн сангаас хууль бусаар мод бэлтгэх, худалдах, худалдан авах, тээвэрлэж байгаа байдалд цаг үеийн шинжтэй болзошгүй эрсдэлээс урьдчилан сэргийлэх чиглэлээр хяналт, шалгалт зохион байгуулах;
Ойн дагалт баялаг ашиглах, түүж бэлтгэх зөвшөөрөл, гарал үүслийн бичиг, зориулалтын дагуу ашиглаж байгаа эсэхэд хяналт шалгалт хийх;
Улсын тусгай хамгаалалттай газар нутгуудад хууль бус ой, байгалийн ургамлын зөрчлөөс урьдчилан сэргийлэх, хяналт шалгалт хийх, хуулийн хэрэгжилтийг хангуулах чиглэлээр хамтран ажиллана.
