Ирэх оны төсвийн зарим онцлох мэдээллийг Монгол Улсын Засгийн Газрын Хэрэг Эрхлэх Газраас мэдээлснийг хүргэж байна.
Багш, эмч нарын цалинг 2026 онд 2.8 сая, 2027 онд 3.5 сая төгрөгт хүргэнэ.
Эрүүл мэндийн салбарын хөрөнгө оруулалтыг 5.5 дахин нэмэгдүүлж 1.3 их наяд төгрөгт хүргэнэ.
Ахмадын тэтгэврийг 8.6 хувиар нэмэгдүүлэхэд зориулж 542.5 тэрбум төгрөг төсөвлөв.
Ирэх оны 10 сарын 1-нээс 1 сая хүртэл төгрөгийн худалдан авалтын НӨАТ-ын таван хувийг буцаан олгоно.
2026 оны төсвийн урсгал зардлаас 980 тэрбум төгрөг хэмнэнэ.Төрийн албаны орон тооны тэлэлтийг хязгаарлана.
Боловсролын салбарт 1.1 их наяд төгрөгийн хөрөнгө оруулалт хийж, хөрөнгө оруулалтыг 2 дахин нэмэгдүүлэв.
Ирээдүйн өв сангийн хөрөнгийг 240 тэрбум төгрөг хуримтлалын сангийн хөрөнгийг 156 тэрбум төгрөгийн хөрөнгө оруулалтын хүүгийн орлогоор тус тус өсгөж арвижуулна.
