БНСУ-ын Newjeans хамтлаг өнгөрсөн оноос хойш “ADOR” агентлагийг итгэлцэл алдах алхам хийсэн тул гэрээгээ цуцалж байна гэсэн мэдэгдэл гаргаж шүүхэд хандсан.
Тэгвэл уг шүүхийн маргаан эцэслэгдэж өнгөрсөн сард Newjeans болон “ADOR” агентлагийн гэрээ дуусах хугацаа хүртлээ хүчин төгөлдөр гэсэн тогтоол гарсан байна. Ийнхүү тус хамтлагийн бүх гишүүн “ADOR” агентлагт буцаж ажиллана гэдгээ лхагва гарагт /2025.11.12/ мэдэгдлээ.
“ADOR” агентлагийн төлөөллөөс мэдэгдэл хийхдээ “Хэри, Хэин хоёр ADOR-той үргэлжлүүлэн хамтран ажиллах хүсэлтэй гэдгээ илэрхийлсэн. Гэр бүлийнхэнтэйгээ болон ADOR агентлагтай хэлэлцсэний дараа хоёр гишүүн шүүхийн шийдвэр болон гэрээгээ хүндэтгэхээр шийдсэн” гэжээ.