Улсын болон нийслэлийн төсвийн хөрөнгө оруулалтаар Сонгинохайрхан дүүргийн Ерөнхий боловсролын 62 дугаар сургуулийн 640 сурагчийн хүчин чадалтай өргөтгөлийн барилга ашиглалтад орлоо.
2025 оны 11 дүгээр сарын 12-ны өдөр барилга байгууламжийг ашиглалтад хүлээн авах Улсын комисс ажиллаж, үүрэг даалгаврын биелэлтээр хүлээн авлаа.
Тус барилгын зураг төслийг “Барилга байгууламж” ХХК боловсруулж, барилга угсралтын ажлыг “Ганзосон констракшн” ХХК болон “Эм Ди констракшн” ХХК гүйцэтгэсэн байна.
Өргөтгөлийн барилга ашиглалтад орсноор нийслэлийн ачаалал ихтэй бүсэд байрлах ерөнхий боловсролын 62 дугаар сургуулийн сурагчид эрүүл, аюулгүй, тав тухтай орчинд суралцах нөхцөл боломж бүрдэж байна.
