“Bondodo” хүүхдийн живхний брэнд ээжүүдийн хоорондын ялгаа, шүүмжлэлийн эсрэг “Ээжүүд харьцуулагдах ёсгүй” нөлөөллийн аяныг эхлүүллээ. “BonDoDo” брэндийн зүгээс энэхүү компанит ажил нь зөвхөн бүтээгдэхүүн сурталчлах бус нийгэмд ээжүүдийн хоорондын ойлголт, хүндлэл, дэмжлэгийг нэмэгдүүлэх зорилготойг онцолсон юм.
Анх энэхүү аяныг харьцуулагдаж, шүүмжлэгддэг нийгэмд цаашид дахин нэг ч ээж сэтгэл санааны, үйлдлийн хохиролд битгий өртөөсэй гэж бодсоны үүднээс эхлүүлсэн бөгөөд цаашид энэхүү аяныг илүү өргөжүүлэн, цар хүрээг нь тэлж, олон компанит ажил, нийгмийн нөлөөллийн аян болгон үргэлжлүүлэх төлөвлөгөөтэй байгааг брэндийн хамт олон дуулгав.
Ээж хүн бүр өөрийн бие, амьдралын нөхцөл, сэтгэлзүй өөр өөр учир бид хэнийг ч шүүх, харьцуулах, шүүмжлэх эрхгүй юм. Энэ хорвоогийн хамгийн үнэ цэнтэй, бахдаж дуусамгүй эх хүний аяллаа аз жаргалтай, адал явдалтай, эерэг мэдрэмж дурсамжтай өнгөрөөхөд нь бид нэг нэгэндээ туслах хэрэгтэй.
Эх хүн байх гэдэг үгээр хэлэхийн аргагүй хамгийн их аз жаргалтай амьдралын хамгийн дурсамж дүүрэн аялал байх ёстой. Гэвч ихэнх ээжүүд өөрийн танил найз нөхөд, тэр ч бүү хэл гэр бүлийн гишүүддээ харьцуулагдаж, шүүгдэж, гадуурхагдаж, ганцаардаж байгаа хэвээр байна.
Бондүдү живхний хамт олон энэ удаа мянга мянган ээжүүдийн төлөөлөл болгон 5 өөр түүхтэй, 5 өөр хүүхдүүдтэй, 5 өөр мэдрэмжтэй ээжүүдийг онцолжээ.
