Дэлхийн I дайнд дайчлагдсан Австралийн хоёр цэргийн 1916 онд бичсэн захидалтай лонхыг тус улсын баруун өмнөд эргээс зуу гаруй жилийн дараа олжээ.
Деб Броун гэр бүлийн хамт далайн эрэг цэвэрлэж байхдаа тус лонхыг олсон ба захидалыг нээхэд бага зэрэг норсон байсан ч хоёр захидал хоёулаа гаргацтай хэвээр байсан тул унших боломжтой байсан аж. Захидлыг Малколм Невилл болон Уильям Харли гэх цэргүүд бичсэн тэдний захидлыг холбогдох гэр бүлийн хүмүүст хүлээлгэн өгчээ.
Малколм Невилл захидлаа ээждээ бичсэн ба хоол үнэхээр амттай байгаа болон “Бид Ларри шиг л жаргалтай байна” гэж хошигнож бичсэн байв. Харамсалтай нь Невилл уг захидлыг бичсэнээс хэдхэн сарын дараа буюу 28 насандаа тулалдааны үеэр амь үрэгдсэн байжээ. Харин нөгөө цэрэг болох Уильям Харли дайнаас амьд мэнд буцаж иржээ. Түүний ач охин өвөөтэйгөө дахин уулзсан юм шиг л мэдрэмж авсан гэв.
Далай судлалын мэргэжилтнүүд захидалтай лонх анх хэдэн долоо хоногийн турш хөвсөн ч эцэст нь эрэг дээр гарч, тэндээ 100 гаруй жил элсэнд булагдсан байж магадгүй гэж үзэж байна.
BBC
