Уулзалтаар IWU gGmbH-ийн гүйцэтгэх захирал Rolf Resske нийслэлийн ерөнхий боловсролын 38 дугаар сургуулийг түшиглэн Европын хэлний нийтлэг шалгуур (GER)-ын дагуу B1, B2 болон C1 түвшний TELC Герман хэлний цахим шалгалтыг зохион байгуулах хүсэлтээ илэрхийлсэн юм.
Александр фон Хумболтын нэрэмжит нийслэлийн ерөнхий боловсролын 38 дугаар сургууль нь IWU gGmbH (Герман Улсын Цвикау хот)-ийн TELC шалгалтын төвийн салбар болж байна. Ингэснээр TELC лицензийн 1151854 гэрээний дагуу IWU gGmbH-ийн шалгалтын эрх олгосон ажилтнууд шалгалтыг зохион байгуулах юм.
TELC шалгалтын төвийн салбар болсноор нийслэлийн ерөнхий боловсролын 38 дугаар сургуулийн суралцагчид болон герман хэлийг сонирхон судалж буй хүүхэд, залууст TELC шалгалтыг өгөх эрхтэй болсноор Герман Улсын мэргэжлийн болон техникийн боловсролын сургуулиудад элсэн суралцах нөхцөл боломж бүрдэж байгаагаараа онцлог юм.
