Улсын төсвийн хөрөнгө оруулалтаар Архангай аймгийн Эрдэнэбулган сумын ерөнхий боловсролын сургууль, дотуур байр, цэцэрлэгийн барилга угсралтын ажилтай Боловсролын ерөнхий газрын ажлын хэсэг танилцлаа.
Архангай, Эрдэнэбулган сумын 6 дугаар багт баригдаж буй 160 суудалтай бага сургуулийн барилгын төсөл, арга хэмжээ нь орон нутагт эрх шилжин хэрэгжиж байгаа бөгөөд барилга угсралтын ажил 40% -тай үргэлжилж байна. Гүйцэтгэгчээр “ДИ ТИ И ЭМ СТРОЙ” ХХК ажиллаж байна.
Архангай, Эрдэнэбулган сумын 3 дугаар багт баригдаж буй 160 суудалтай сургуулийн барилгын өргөтгөл, төсөл арга хэмжээ нь орон нутагт эрх шилжин хэрэгжиж байгаа бөгөөд 2024-2025 оны хооронд шилжин хэрэгжихээр Улсын төсөвт хөрөнгө батлагдсан. Барилгын гүйцэтгэгчээр “ Гурвантамир” ХХК шалгарч, Барилга угсралтын ажил 95%-тай үргэлжилж, улсын комисс ажиллуулах бэлтгэл ажил хийгдэж байна.
Архангай, Эрдэнэбулган сум, 5 дугаар цэцэрлэгийн барилгыг буулгаж, шинээр 240 ортой цэцэрлэг барих төсөл арга хэмжээ нь орон нутагт эрх шилжин хэрэгжиж байна. Барилгын гүйцэтгэгчээр “Идэрживаа” ХХК шалгарч барилга угсралтын ажил 50%-тай үргэлжилж байна.
Архангай, Эрдэнэбулган суманд баригдаж буй 150 ортой, 14 дүгээр цэцэрлэгийн барилгын төсөл, арга хэмжээ нь орон нутагт эрх шилжин хэрэгжиж байгаа бөгөөд 2024-2026 оны хооронд шилжин хэрэгжихээр Улсын төсөвт хөрөнгө батлагдсан. Барилгын гүйцэтгэгчээр “Газрын гагнаас” ХХК шалгарч барилга угсралтын ажил 60%-тай үргэлжилж байна.
Архангай, Эрдэнэбулган суманд баригдаж буй 150 ортой, 3 дугаар цэцэрлэгийн барилгын төсөл, арга хэмжээ нь 2024-2026 оны хооронд шилжин хэрэгжихээр Улсын төсөвт хөрөнгө батлагдсан. Барилгын гүйцэтгэгчээр “Эсгэл” ХХК ажиллаж, 2025 оны 09 дүгээр сард Улсын комисст хүлээлгэн өгсөн байна.
Архангай, Эрдэнэбулган суманд баригдаж буй 150 ортой, 8 дугаар цэцэрлэгийн барилгын төсөл, арга хэмжээ нь 2024-2026 оны хооронд шилжин хэрэгжихээр Улсын төсөвт хөрөнгө батлагдсан. Барилгын гүйцэтгэгчээр “Хөх бугат” ХХК ажиллаж, барилгын гүйцэтгэл 30%-тай үргэлжилж байна.
Архангай, Эрдэнэбулган суманд баригдаж буй 150 ортой, 9 дүгээр цэцэрлэгийн барилгын төсөл, арга хэмжээ нь орон нутагт эрх шилжин хэрэгжиж байгаа бөгөөд 2024-2026 оны хооронд шилжин хэрэгжихээр Улсын төсөвт хөрөнгө батлагдсан. Барилгын гүйцэтгэгчээр “Идэрживаа”ХХК шалгарч барилга угсралтын ажил 45%-тай үргэлжилж байна.
Тус аймагт улсын төсвийн хөрөнгө оруулалтаар хэрэгжиж буй барилга угсралтын ажилтай Боловсролын ерөнхий газрын ажлын хэсэг танилцаж, орон нутгийн холбогдох байгууллагуудтай хамтран ажиллаж барилга байгууламжийг тухайн гэрээт хугацаанд нь ашиглалтад оруулах, төсөл арга хэмжээнүүд дээр ажиллах хүч нэмэгдүүлэх ажлыг яаралтай зохион байгуулж ажиллах чиглэл өглөө.
