Боловсролын ерөнхий газар, Өмнөговь, Дундговь аймгийн Боловсролын газар, Насан туршийн суралцахуйн төв, АМЧБО Салбар зөвлөлүүдтэй хамтран ЕБС-ийн YIII-XII анги болон МбТБСБ-ын суралцагчдад “Ажил мэргэжлийн чиг баримжаа олгох үйл ажиллагааг зохион байгуулах арга зүй” сургалтыг 2025 оны 10 дугаар сарын 22-24-ний өдрүүдэд зохион байгуулж байна.
Сургалтад Өмнөговь аймгийн ерөнхий боловсролын 23 сургууль, Технологийн дээд сургуулийн харьяа политехник коллеж, Дундговь аймгийн ерөнхий боловсролын 19 сургууль, политехник коллежийн нийгмийн ажилтан, сэтгэл зүйч, НТСТ-ийн багш нар, анги удирдсан багш нар нийт 144 албан хаагч хамрагдан сургуульд суурилсан ажил мэргэжлийн чиг баримжаа олгох арга зүйд суралцаж байна.
Сургалтаар:
Сургуульд суурилсан ажил мэргэжлийн чиг баримжаа олгох үйл ажиллагааг хэрхэн зохион байгуулах;
Ажил мэргэжлийн чиг баримжаа олгох үйл ажиллагаа болон сургуулийн эрхэм зорилго, ерөнхий төлөвлөгөөний уялдаа холбоо;
Насан туршийн суралцахуйн төв, “Ажил мэргэжлийн чиг баримжаа олгох мэдээллийн танхим”-ын үйл ажиллагааны чиглэл, анхаарах асуудал;
Тэтгэлэгт хамрагдах боломж, гадаад дотоодын тэтгэлэгт хөтөлбөрүүд;
Мэргэжил сонголтын олон улсын аргачлал, ирээдүйн чиг хандлага сэдвүүдээр сургалт зохион байгуулсан.
Мөн ажил мэргэжил судлалын докторант Ц.Рэгзэнбазар урилгаар оролцож:
Карьер хөгжлийн онол ба Мэргэжил сонголтын чадамжийн загвар
Чадамжид суурилсан ажил мэргэжлийн чиг баримжаа олгох сургалтын арга зүй сэдвүүдээр мэдээлэл хийж, дадлага ажил зохион байгууллаа.
Тус сургалтад Дундговь аймгийн Засаг даргын зөвлөх, АМЧБО Салбар зөвлөлийн дарга П.Бүрэнжаргал, Өмнөговь аймгийн БГ-ын Бодлогын хэрэгжилтийн хэлтсийн дарга Б.Байгальсайхан нар оролцож, суралцагчдад өөрийн сонирхол, авьяастаа нийцсэн ажил мэргэжил сонгож, зорилготой суралцахад нь дэмжлэг үзүүлэх, хүн байх ухааныг сургаж чиглүүлэх энэхүү үйл ажиллагааг орон нутгийн түвшинд хамтран, чанартай зохион байгуулахаа илэрхийллээ.
