Дэлхийн гоо сайхны зах зээлд хувьсгал хийсэн Kylie Cosmetics брэнд 10 жилийн ойгоо тэмдэглэж байна. Брэндийн үүсгэн байгуулагч, бизнес эрхлэгч Kylie Jenner энэ ойн хүрээнд “King Kylie Collection” нэртэй хязгаарлагдмал тоо хэмжээтэй, тусгай цуглуулгаа танилцуулсан юм.
Kylie энэ талаар “Арван жилийн өмнө уруулын будагтай анхны жижиг цуглуулгаа гаргаж байхдаа ийм амжилтад хүрнэ гэж төсөөлөөгүй. Энэ брэнд бол миний өсөлт, өөрийгөө танин мэдэх аяллын нэг хэсэг байсан” хэмээн дурдсан байна.
Kylie Jenner 2015 онд ердөө 18 настайдаа анхны “Lip Kit” уруулын будгаа гаргаж, хэдхэн цагийн дотор дэлхий даяар борлуулалт нь дууссанаар гоо сайхны салбарт шуугиан тарьж байв. Харин тэр үеийн жижиг цуглуулга өнөөдөр тэрбум ам.долларын үнэлгээтэй Kylie Cosmetics брэнд болон өргөжжээ.
Арван жилийн ойгоороо гаргасан “King Kylie” цуглуулга нь хуучны “Tumblr-era Kylie” хэв маягийг орчин үеийн гялалзсан өнгөтэй хослуулсан бөгөөд энэхүү шинэ бүтээгдэхүүнүүд нь “гоо сайхан бол өөрийгөө танин мэдэх аялал” гэх түүний үзэл санааг илтгэж байна.
