Манай humanz.mn сайт нь унших дадлыг дэмжих, олон нийтийн мэдлэгт нэмэр болох, уншиж бичих чадварыг хөгжүүлэх зорилгоор алдартай зохиолчдын бичсэн номын онцлох агуулгуудыг хүргэдэг билээ. Энэ удаа бид зохиолч Я.Арслангийн “Эрүүл урт наслах алтан судар” номыг сонголоо. Энэхүү бүтээл нь 2023 онд уншигчдын гарт хүрсэн бөгөөд сонирхолтой олон мэдээллийг багтаажээ. Тус номонд багтсан мэдээллээс уншигч танд хүргэе. Та бүхэн “Эрүүл урт наслах алтан судар” номыг Интерном дэлгүүрээс худалдан авах боломжтой.
Өтлөхөөс сэргийлэх долоон арга
Нэг. Витамин, эрдэс бодис ихтэй шим тэжээлт хоол хүнсийг эрхэмлэж өөх тос, чихрийн зүйлийг аль болох багаар хэрэглэнэ.
Хоёр. Үргэлж алхаж явж байвал цусны эргэлтийг түргэтгэж биеийн илчийг нэмэгдүүлж бачимдаж сандрахыг багасгана. Мөн булчинг чангаруулж зүрхний өвчинд нэрвэгдэх аюулыг багасгаж уушгины чадавхийг тогтоон барина.
Гурав. Тархиа сайн ажиллуулж оньсого тайлах, гадаад хэл сурах, шатар даам мэтийн ухаан зарах тоглоом тоглох зэргээр ухаан санааг саруул цэлмэг байлгах хэрэгтэй.
Дөрөв. Цөсийг илүү ялгаруулахгүй байхад анхаарч хүнсний ногоо, буурцагт ургамал, нохойн хошуу, жимс, загасны махыг түлхүү хэрэглэж амьтны гаралтай өөх тос бага идвэл зохино.
Тав. Өдөр бүр өглөө, оройд 5-10 минут суниах, цаашилбал, биеийн тамирын дасгал хийж байвал нуруу, өвдгөөр өвдөхийг багасгана.
Зургаа. Тамхи татахыг цээрлэх хэрэгтэй. Тамхи татах нь уушги, зүрхийг хордуулахаас гадна биеийн арьс, нүүр царайд олон атираа үүсгэж бие цогцсыг хэвийн бус, нүүр царайг өнгө жавхаагүй болгодог.
Долоо. Биеийн жинг хөнгөн байлгахад анхаарна. Таны жин хэвийн хэмжээнээс 20 хувиас хэтэрвэл жингээ хасах арга хэмжээ авах нь зүйтэй
Эх сурвалж: “Эрүүл урт наслах алтан судар” ном
