Лос Анжелес хотноо болсон 77 дахь удаагийн Emmy Awards-ын улаан хивсний ёслолд жүжигчин Jenna Ortega оролцож, өвөрмөц хувцаслалтаараа олны анхаарлыг татлаа.
Тэрбээр Givenchy брэндийн намар/өвлийн коллекцийн бүтээл болох, үнэт чулуу, кристаллаар бүрэн чимэглэсэн топ болон өндөр зүсэлттэй хар юбка өмсжээ. Гоо сайхны хувьд Jenna Ortega бараан өнгийн нүдний будалт, гүн улаан уруулаар төрхөө бүрдүүлсэн бол үсээ энгийн ponytail болгон зассан нь хоорондоо төгс зохицжээ. Түүний энэ дүр төрхийг зарим хэвлэлүүд 1992 оны алдарт Death Becomes Her киноны Isabella Rossellini-ийн дүртэй харьцуулж, “уламжлалт улаан хивсний хэв маягийг эвдсэн шинэлэг сонголт” хэмээн дүгнэсэн байна.
