Шведийн алдарт загвар өмсөгч, Victoria’s Secret-ийн “Angel” Эльса Хоск найз залуу Том Далитай албан ёсоор сүй тавьснаа зарлалаа. Хосууд 2015 оноос хойш хамтдаа амьдарч байгаа бөгөөд 2021 онд охиноо өлгийдөн авчсан юм. Эльса нь зөвхөн дэлхийн хэмжээний модель төдийгүй 2022 онд өөрийн Helsa Studio брэндийг үүсгэн байгуулсан. Тэрбээр сүй тавих ёслолд өөрийн брэндийн улаан өнгийн загварыг сонгосон нь хэв маягийн хувьд онцгой, загварын мэдрэмжээ дахин баталжээ.
Мэдээж хамгийн их анхаарал татсан зүйл бол сүйн бөгж. Тус бөгж Tiffany & Co. брэндийн Soleste цувралын овал хэлбэртэй, микропавэ суулттай, платинум бөгж байлаа. Мэргэжилтнүүдийн үнэлгээгээр энэхүү бөгжний үнэ 350 мянгаас 1 сая ам.доллар хүрэх боломжтой гэжээ.
