НЗДТГ-аас санаачлан нутгийн захиргааны байгууллагын үйл ажиллагаанд олон улсын чанарын менежментийн тогтолцооны ISO 9001:2015 стандартыг нэвтрүүлж буй. Энэ хүрээнд өнөөдөр зургаан байгууллагад чанарын менежментийн тогтолцоо хэрэгжүүлж байгааг баталгаажуулж, гэрчилгээ гардууллаа.
Тодруулбал, ЧМТ-ны баталгаажуулалтын гэрчилгээг өнөөдөр нийслэлийн Аялал жуулчлалын газар, нийслэлийн Хүнс хөдөө аж ахуйн газар, Нийтийн тээврийн бодлогын газар, нийслэлийн Газар зохион байгуулалтын алба, нийслэлийн Замын хөгжлийн газар, нийслэлийн Орон сууцны бодлогын газар гардан авлаа.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
