Мансууруулах бодис, хар тамхины талаар үнэн зөв мэдээлэл авах зорилгоор сургалтад хамрагдлаа. Баянзүрх дүүргийн Гэмт хэргээс урьдчилан сэргийлэх ажлыг зохицуулах салбар зөвлөл Хар тамхитай тэмцэх газартай хамтран ажиллаж, энэ чиглэлийн гэмт хэргийг бууруулах, урьдчилан сэргийлэх олон арга хэмжээ хэрэгжүүлж байгаа. Үүний нэг нь олон нийтэд мансууруулах бодис, сэтгэцэд нөлөөт эм бэлдмэл, хар тамхины хэрэглээ, өнөөгийн нөхцөл байдлын талаар үнэн зөв мэдээ мэдээлэл өгөх. Энэ ажлын хүрээнд шинээр сонгогдсон иргэдийн Төлөөлөгчдийн Хурлын төлөөлөгч нар болон хороодын Засаг дарга нарыг энэ талын сургалтад хамрууллаа.
Сургалт Хар тамхитай тэмцэх газрын сургалтын танхимд явагдсан бөгөөд ЦЕГ-ын Хар тамхитай тэмцэх газрын Урьдчилан сэргийлэх, хамтын ажиллагааны хэлтсийн ахлан мэргэжилтэн, Цагдаагийн ахмад У.Дэлгэрхишиг сургалтыг орлоо.
