Монгол Улсын Анхдугаар Их Хурлын 1924 оны 11 дүгээр сарын 18-ны өдрийн хуралдаанаар Засгийн газрын дэргэд Эдийн засгийн зөвлөл байгуулснаас хойш тус алба үүсэж хөгжсөний 100 жилийн ой энэ онд тохиож байна.
Тус ойг тохиолдуулан, Монгол Улсын эдийн засгийн салбарыг хөгжүүлэхэд үнэтэй хувь нэмэр оруулсан, хөгжлийн цогц бодлого боловсруулах, хэрэгжүүлэх үйлсэд олон жил идэвх зүтгэл гарган, үр бүтээлтэй ажилласныг нь үнэлж Монгол Улсын Ерөнхийлөгчийн 2024 оны 11 дүгээр сарын 22-ны өдрийн 173 дугаар зарлигаар Эдийн засаг, хөгжлийн яамны дэргэдэх ахмадын хорооны ахмадууд болон салбарын албан хаагчдыг Төрийн одон медалиар шагналаа.
Хөдөлмөрийн гавьяаны улаан тугийн одонгоор Эдийн засаг, хөгжлийн яамны дэргэдэх Ахмадын хорооны ахмад Жамцын Цэндийг,
Алтан гадас одонгоор Эдийн засаг, хөгжлийн яамны дэргэдэх Ахмадын хорооны ахмад Содномын Оюунцэцэг, Түдэвийн Бямба, Гэлэгийн Гэндэн-Очир нарыг,
Хөдөлмөрийн хүндэт медалиар Эдийн засаг, хөгжлийн яаманд үр бүтээлтэй, идэвх зүтгэлтэй ажиллаж ирсэн Санхүү, хөрөнгө оруулалтын хэлтсийн ахлах нягтлан бодогч Александрын Агиймаа, Хяналт, шинжилгээ, үнэлгээний газрын шинжээч Лхагвасүрэнгийн Наранболд, Эдийн засгийн хамтын ажиллагааны хэлтсийн мэргэжилтэн Болдын Ундрах, Салбар дундын зохицуулалт, төлөвлөлтийн хэлтсийн ахлах мэргэжилтэн Сүхбаатарын Цогзолмаа, Санхүү, хөрөнгө оруулалтын хэлтсийн тооцооны нягтлан бодогч Далайгийн Гэрэлсүрэн нарыг тус тус шагнав.
Мөн Тэргүүн шадар сайд бөгөөд Эдийн засаг, хөгжлийн сайдын 2024 оны А/49 дүгээр тушаалаар ЭЗХЯ-ны дэргэдэх Ахмадын хорооны ахмад настан Халханы Золзаяа, Цэвэгжавын Дуламсүрэн, ЗГХЭГ-ын Салбарын бодлого, зохицуулалтын газрын дарга Шаравын Мөнхцэрэн, ЗГХЭГ-ын Салбарын бодлого, зохицуулалтын газрын ахлах шинжээч Бат-Ирээдүйн Мөнх-Эрдэнэ нарыг “Эдийн засгийн тэргүүний ажилтан” хүндэт тэмдгээр, Хөрөнгө оруулалтын нэгдсэн бодлого зохицуулалтын газрын зөвлөх Баатарын Номуныг Эдийн засаг, хөгжлийн яамны “Жуух бичиг”-ээр тус тус шагнав.
