Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр Азийн хөгжлийн банк (АХБ)-ны Төр, хувийн хэвшлийн түншлэл, хувийн хэвшлийн асуудал хариуцсан Дэд ерөнхийлөгч ноён Дасгупта Баргав тэргүүтэй төлөөлөгчдийг хүлээн авч уулзлаа. Уулзалтаар төр, хувийн хэвшлийн түншлэлийг бэхжүүлэх, хувийн хэвшлийн хөрөнгө оруулалтыг нэмэгдүүлэх, зээлийн ашиглалтыг сайжруулах чиглэлийн хамтын ажиллагааг дүгнэж, цаашид хэрэгжүүлэх арга хэмжээг тодорхойллоо. Төр, хувийн хэвшлийн түншлэлийн төвийн үйл ажиллагааг өргөжүүлэх, гадна, дотнын хөрөнгө оруулалтыг татахуйц түншлэлийн оновчтой загварыг бий болгоход банкны зүгээс бүх түвшний дэмжлэг үзүүлж ажиллахаа илэрхийллээ. Энэ жил АХБ-аас Монгол Улсын хувийн хэвшилд нийт 118.5 сая ам.долларыг хөрөнгө оруулсан. Цаашид энэ үзүүлэлтийг нэмэгдүүлэхэд хоёр тал үргэлжлүүлэн онцгой анхаарч, шинэчлэн байгуулах дунд хугацааны хамтын ажиллагааны стратегийн баримт бичигт хувийн хэвшлийн хамтын ажиллагааг өргөжүүлэх талаар тусгахаар тохиролцлоо. Мөн энэ хүрээнд 2025 оны эхний улиралд банктай хамтран хувийн хэвшлийн дугуй ширээний уулзалтыг зохион байгуулахаар боллоо.
