Аравдугаар сарын 31-нд G-Dragon бие даасан уран бүтээл болох “Power” дуугаа олон нийтэд цацсан. Тэрбээр өөрийг нь тойрсон хэвлэл мэдээллийн хэрэгслэлийг хүчтэй шүүмжилжээ. Дууны клип нь “GD-ийн амьдралын нэг өдөр” нэртэй хуурамч мэдээгээр эхэлж байгаа бөгөөд түүний хөдөлгөөн бүр нь хэвлэлд ямар их анхаарал татдаг болохыг илэрхийлнэ.
Жинхэнэ нэр нь Квон Жи Ён болох G-Dragon нь “албадан шүүмжлэл эргэн тойронд тархаж байна” гэж элэглэн ёжилсон үг хэлж, хар тамхи хэрэглэсэн гэх цуу яриаг бичлэг дээр үндэслэн шуугиан тарьсан хэвлэл мэдээллийн дүрс, дуу үргэлжилнэ.
Мөн клипний төгсгөлд G-Dragon арын дэвсгэрт цэнхэр тэнгэр дүрсэлсэн студиэс гарсан нь Жим Кэрригийн 1998 оны “The Truman Show” кинонд гарсан дүрийг илэрхийлэх шиг…
Дөнгөж зургаахан настайдаа урлагт бэлтгэгдэж 18 настайдаа BIGBANG-ийн гишүүнээр дебютээ хийсэн Жи Ди амьдралынхаа ихэнх хугацааг Кэрригийн дүр шиг олны хараан дор өнгөрөөсөн.
Бичлэгт үзүүлсэн студийн гаднаас үсрэн гарсан нь түүний төрсөн он, уран бүтээлийн шинэ эхлэл болох “88”-аар илэрхийлэгдэж эрх чөлөөг хүсэн тэмүүлж буйг илтгэнэ.
