УИХ-ын гишүүн, Гэр бүл, Хөдөлмөр, Нийгмийн хамгааллын яамны сайд Л.Энх-Амгалан “Өндөр бүтээмжтэй, өндөр цалинтай ажилд гаднынхан орж ирдэг асуудлыг хатуу хориглож, монгол хүн ажиллах ёстой” гэлээ.
Мөн “Бид цаашдаа өндөр бүтээмжтэй, өндөр үр ашигтай эдийн засгийн салбаруудаа хамгаалмаар байна. Жишээ нь Оюутолгойд 100 хувь монгол хүн, ажиллах ёстой. Мөн хэрэгжиж буй томоохон төслүүд дээр ч 90 хувьд нь монгол хүн ажиллах ёстой. Тиймээс өндөр бүтээмжтэй өндөр цалинтай ажлууд дээр гаднынхан орж ирэх асуудлыг бид хатуу хориглох нь зүйтэй. Бага бүтээмж, бага цалинтай ажлыг хүмүүс сонирхохгүй үйлчилгээний газрууд ажиллах хүнгүй боллоо гэж бизнесийнхэн ярьж байна. Иймд зөв бодлого, тохируулга хийх зайлшгүй шаардлага байгаа” хэмээн онцоллоо.
